Шолже харцар кхерам болча цӀагӀа яхача кхалсага дехар кхоачашдир
Шолже кхоачашдир «Гуччахьара къамаьл» дӀахьош, ГӏалгӀай Республикан кулгалхочунга Келаматанаькъан Махьмуд-Ӏаьлага кхайкарал даьча кхалсага дехар. Шахьара Ӏаьдало подвал цӀенъяйтар, цун новкъа хинна тӏоадала хьал дӀадаьккхар, яхаш, хоам бу мерэ «Сердало» газетага.
«Макшарипа Махьмуд-Ӏаьлас тӀадиллача декхарах, шахьара кулгалхо журналисташца ше дӀавахар, Пхьилекъонгий урам тӏара 72 А цӀа долча. Иштта цо лаьрхӀар, вар тесса, тӀаьда, во хьадж хьайоагӀаш хинна подвал цӀенъяра говзанчаш юкъебаха», - аьлар хоамо.
Тхога хоам баьчо яхачох, из цӀа харцара кхерам болаш лоархӀ ялх шу хьалха денз, цу чура нах кхыча фусамашка баха ховшабара йолча программанна чудоагӏаш а да. Моттигерча администраце лаьрхӀар кхаь шера цу цӀагӀара нах кхыча фусамашка дӏачубахийта, цу гӀулакха хьожадаьд бюджетера ахча.
