Шолже лаьрххӀа йола техника лоа дӀадоаккхаш я
25.02.2025 16:36
Карарча хана, Шолжа-Шахьара даькъ тӀа лоа дӀадоаккхаш болх дӀахьу. Балха юкъеяьккхар лаьрххӀа йола техника, говзанчий тоаба, яхаш, дийцар «Сердало» газетага доал дара даькъ тӀарча зарбан болх лелабераша.
«ВорхӀ ди совгӀа ха я ГӀалгӀайчен юрташка ца соцаш догӀа а лоа а делха. Цудухьа наькъашка хьежараш ма хулла из хьал аттача доаккхаш къахьегаш ба, наькъ тӀа тух теха гӀум хьоарцаш, никъ гӀорабергбоацаш, цунца цхьана наькъа хьовзамаш хургдоацаш», - аьлар тхоца къамаьл даьчо.
Белгалду, керттера Ӏаьдала низ тӀабохийт лоархӀамегӀа урамаш долча, дукхагӀа нах а машнаш а хулача.
