Терроризма духьалара къовсам чӀоагӀбаьб Шолжа-Шахьаре
18.07.2024 09:10
Шахьара да волча Ӏумаранаькъан Аслана кулгал деш, терроризм яхача доккхача зулама духьала къовсам лоаттабеча комиссеца кхетаче дӀайихьар Шолжа-Шахьаре. Из хоам «Сердалога» бир мэрера.
«Шахьаре цу оагӀонцара хатараш хургдоацаш, терроризма духьала дӀабахьа безача боккхача балхах дийцар кхетаче», - йоах тха газетага кхаьчача хоамо.
Комиссен юкъерча хӀара доакъашхочо ше дӀахьоча балхах дийцар. Паччахьалкхен 100 шу дизара хетаяь кхетаченаш дӀахьоча хана, бахархой кхерамзлен хьал лорадара тӀехьа шоаш кийчбаь хинна болх бовзийтар цар.
