Шолже СВО доакъашхочун Келаматанаькъан Мухьмада сийленг оттадир
17.04.2025 16:52
Шолже сийленг оттадир ЛаьрххӀача тӀема операце доакъашхочун Келаматанаькъан Мухьмада. Цхьан урам тӀа майрача Даьхен бӀухочун сурт тӀадола баннар оттайир.
«Хӏанз бӀухо вовзаш хургва шахьара бахархошта санна, кхыча юртарча наха а. ЗӏамагӀа вола сержант велар 2022 шера, 31 шу доалаш. Сурта тӀа яздаьд Руслана Мухьмадах лаьца. Цунна еннай Денала орден валарца», - аьлар хоамо.
Белгалду, цун пхи бер а фусам-нана а йиса хилар. Из вахар хьалхарчарца 2022 шера 503-ча гвардейски, Эбарга-Юрта латтача мотострелкови бӀуца. Цхьа тӀема декхар чакхдоаккхаш цун каяьлар массехк новкъост кӀалхарваккха, бакъда цига ший валар хилар цун, хаьрцача гӀишлон кӀалхара командир аравоаккхаш.
