ГӀалгӀайчен Шолже гучадаьлар, кхыча мехкара 15 саг бокъо йоацаш къахьегаш хилар
28.10.2024 15:54
Россе МВД «Сунженский» полице МО болхлоша, ГӀалгӀай Республике гӀолла йолча Россе ФСБ Погрануправлене болхлошца цхьана болх дӀахьош, гучадаьккхар укхазарча российски доазон тӀа кхыча мехкара 15 саг, бокъо а йоацаш, къахьегаш хилар. Уж ба 20 шергара 37 шерга кхоачаш ха яьнна нах. Цох хоам бир «Сердало» газетага республикан бокъонаш лораяра боахаме.
«Уж болх беш хиннаб Эбарга-Юртарча цхьан вахархочун цӀагӀа. Царна духьала доагӀаш дола административни каьхаташ оттадаьд», - аьлар моттигерча МВД.
Иштта уж тӀа а ийца, балха оттабаьча сага духьала, административни бокъонаш телхаярах, РФ КоАП статьях доагӀаш дола таӀазар дергда.
