Хьу ийца йода машин дӀалаьцар Шолжа-Шахьаре
09.10.2024 11:41
Цхьаккха тайпара каьхаташ доацаш, хьу ийца йода КамАЗ соцайир Шолжа-Шахьарерча Ӏаьдала болхлоша. Из хоам «Сердалога» бир Ӏалама гӀулакха тӀахьожам лоаттабераша.
«Хьун бокъонаш телхаеш, М29 Шолжа-Шахьарерча наькъ тӀа хьу ийца йода машин соцайир ГИБДД, хьун гӀулакха тӀахьожам лоаттабеча болхлоша.
Машин лоаллаш ваьгӀачунга из хьу араяккха бокъо луш дола каьхаташ цахиларал совгӀа, машина каьхаташ а хиннадац», - йоах тхога бенача хоамо. Хьу тӀайола КамАЗ гӀод тохача моттиге Ӏочуйигай, Ӏаьдало тохкаш да из хьу мичахьара ений.
