Боккхийча наха къамаьл де къоастаяьча моттиго ший болх дӏаболабир
СФР оагӏонцарча боккхийча наха къамаьл де къоастаяьча моттиго ший болх дӏаболабир Шолжа-Шахьаре. Вай мехкара иштача оагӏонцара кхоалагӏа моттиг я из. «Сердалога» из хоам бир СФР.
«Люксембург Р. (43) цӏерах болча урамерча моттиге тӏабахка йиш я хӏанз хӏара оршот, пӏаьраска дийнахьа. Дешара, культуран оагӏонашцара кхетаченаш хургья цига. Моллагӏча кхолламца, компьютерца, ахчанца дувзаденна дола хӏамаш дикка довза, шаьрде аьттув ба цига, иштта кхален юкъарлен оагӏонцарча балха юкъе дакъа лаца а», - йоах тхога бенача хоамо.
«Цу тайпара йола ши моттиг хьайийллача хана, кхетадир оаха, вай бахархошта уж чӏоагӏа эшаш йолга. СФР лоархӏамеча пилотни проектага гӏолла кхоалагӏа моттиг хьайийллар оаха. «Дото» оалача ханага кхаьчача наха керда новкъостий лаха, моллагӏа хӏама дӏа-хьа дашха аьттув луш моттиг хургья аьнна хет тхона цох», - дийцар тхога республикерча СФР оагӏонна кулгал деча Йовлой Зубейрас.
Белгалде деза, иштта йола моттигаш тахан Магӏалбика, Жӏайрахьа кхалешка болх дӏахьош йолга.
