ГӏалгӀайчен Шолже зулам даьнна гӀулакх техкар
15.05.2025 12:41
Шолже техка даьлар коммерчески компане кулгалхочун духьалара уголовни гӀулакх, из бехке веш вар 1 миллион совгӀа сом дахьарах, яхаш, дийцар «Сердало» газетага бокъонаш лораераша.
Тохкамхоша белгал ма даккхара, 2019-ча шера Берда-Юртарча администраценеи фирман кулгалхочуни юкъе контракт чӀоагӀйир футбольни ков тоадарах, цига оттабаь мах - 3,9 миллион сом.
Бакъда зуламхочо болх ше баьчул дукхагӀа ба, аьнна, дӀаязбаьб, из бахьан долаш моттигерча Ӏаьдала 1 миллион сома зе хилар.
Из гӀулакх суде дӀачуденнад. Из хьадийллад ГӏалгӀай Республике гӀолла йолча УФСБ, МВД лоткъамех.
