Эскаре тӀабехаш дола каьхаташ дӀадаларах, дийцар Шолжа-Шахьаре
04.04.2025 09:56
Эскаре тӀабехаш дола тӀема каьхаташ кагирхошта дӀалуш чакхбаьккхача балхах дийцар Шолжа кхален администрацешкарча кулгалхоша. Из хоам «Сердалога» бир цу моттигера.
«Кагирхошта уж эскаре амал де тӀабехарах хоам беш дола тӀема каьхаташ дӀалуш дӀабихьача балхах дувцаш, лоархӀаме кхетаче дӀайихьар шахьаре», - йоах хоамо.
Иштта гулбеннараша дийцар, эскаре баха ха кхаьча бола кагирхой болча ухаш, царца дӀабахьа безача балхах. Наькъашка, уж бахача моттигашка рейдаш дӀакхахьа лаьрхӀар цар.
Кхален администраце хьалхалаттача Татенаькъан Ӏийсас белгалдир, из болх боаггӀача боараме, берригаш арабаьнна дӀабахьа безилга.
