Шолжа-Шахьарерча Свердлова оалача урам тӀа машинаш лоаттаеш моттиг ергья
ППС гӀишлон юхе уллаш дола доазув шахьара доалахьа дерзадеш, болх дӀабихьар Шолжа-Шахьарерча хьакимаша укх деношка. Бахархошта аттагӀа хургдолаш, Свердлова оалача ураме хувцамаш де лаьрхӀад хьакимаша. Из хоам «Сердалога» бир шахьара мэре.
1500 кв метрага кхоачаш долча доазон тӀа гӀандаш, нувхашта лаьрхӀа яьшкаш оттаергья, иштта гаьнаш, зизаш дӀадогӀаш, машинаш хьатӀаювргйоацаш доазув къоастадергда, гӀирсаш оттадаь, ши метр шорал бола гӀашлой никъ булларгба.
Ахкан хьалхара бутт йистебоалаш кийча хургья из моттиг. Шахьара да волча Ӏумаранаькъан Аслана белгалдечох, шахьарерча МВД дукха нах леткъар цигара хьал меттаоттадар дехаш, машинаш харцахьа Ӏоувттаеш хиларах.
ХӀанз из кхоачамбоацар дӀадаккха лаьрхӀад. Администраце хьалхадоаккх, Свердлова оалача урамера лаьттан доазув бокъонашцара акташ ца лоархӀаш, цхьан юкъа доал де дӀаденна хиннилга.
