Шолже полице рейд дӀайихьар, наькъа бокъонаш телхаерашта духьала
18.02.2025 14:27
Шолжерча полице болхлоша дукха ха йоацаш рейд дӀайихьар, наькъашка нийслуш дола бокъонаш телхаю хьал тоаде дагахьа. Из кхетаче вӀашагӀъеллаяр ГӏалгӀай Республикан чурча гӀулакхий Министра Коробкин Михаила тӀадиллача декхарах, яхаш, дийцар «Сердало» газетага республикан бокъонаш лораераша.
Из кхетаче дӀахьош полице болхлошта гучадаьлар 36 кхоачамбоацар, царна юкъе 14 машина кораш баьддаь хиларца дувзаденнар. Иштта цу моттиге машиний кораш баьддеш дола гӀирсаш дӀадаьхар, царех ши машин полице отделене Ӏочуйигар.
Полице хьалхадоаккх, гӀод техача наха из ший ханнахьа дӀа ца лойя, шозза дукхагӀа из такха дезаргдолга.
