«Сийлахь-боккха, низ бола эрсий мотт» яха гойтам ба Шолжа-Шахьаре дӀахьош
10.06.2025 16:37
Россе Ди гаргадоагӀаш, эрсий метта хетабаь гойтам дӀахьош ба Шолжа-Шахьаре. Из хоам «Сердалога» бир культуран гӀулакхех йолча министерстве.
«Эрсий мотт хьаоттара, тоабалара истори довзийташ дола книжкаш хьеж бахархошка шахьарерча керттерча библиотеке. Гойта оттадаьд Фридриха И. «Каьхат дайтара истори» (1979), Холодович А., Пауль Г. «Метта исторецара керттердар» (1960), Филяков Е. «Эрсий йоазув» (2024), Караулов Ю. «Эрсий мотт» (1997), Виноградов В. «Пушкина метта дошлорг» (2000)», - йоах тхога бенача хоамо.
«Эрсий мотт бӀаьхий, боккха хилар хьахьокхаш ба из гойтам, метта деррига истори довзаргда гойтаме хьабаьхкарашта», - белгалдир культуран гӀулакхех йолча министерствон хоамий оагӀонцарча болхлочо Хазанаькъан Хатимата.
