Шолже уголовни гӀулакх хьадийллар, харцахьа телаш долча ахчашца дувзаденна
03.03.2025 12:27
Шолжерча полице болхлоша уголовни гӀулакх хьадийллар моттигерча яхархочун духьала, бокъонах доагӀаш доаца 100 эзар сом совгӀа цо паччахьалкхенгара хьаэцарах.
Кхалсага хӀара бетта хьаийдеш хиннад 17 шу даллалца берий даьшта доагӀаш дола ахча, тийшача балхах, яхаш, дийцар «Сердало» газетага бокъонаш лораераша.
Полице яхачох цо регистраци яьй Ханты-Мансийски автономни куран тӀа, цо таро еннай цунна из яхаш йола моттиг дӀалоархӀаш, пхе бера доагӀаш дола ахча хьаэца, из ГӀалгӀайче яхаш хиларах цунна доагӀаш дар кӀезигагӀа дар. ХӀанз из гӀулакх тохкаш да.
