Шолже зуламца дувзаденна гӀулакх хьадийллар, полице болхлочунна тӀакховдарах
09.04.2025 15:20
ГӀалгӀайчен Шолже уголовни гӀулакх хьадийллар 30 шу даьннача моттигерча вахархочунна духьала, Ӏаьдала болхлочун качвахарах, яхаш, дийцар «Сердало» газетага, республикан лоткъама комитете.
Лоткъам ийцараша яхачох, из нийсденнад карарча шера бекарга бетта 5-ча дийнахьа. Алхасте Центральни урам тӀа нах лелача моттиге, бехк беш волча сага ГИБДД болхлочунна хӀама техай, наькъа бокъонаш лораяра тӀахьожам дӀахьош волча хана.
Карарча хана лоткъама болх дӀахьош ба деррига нийсденнар тахкара. Дов даьр лаьцав.
