Шолже гучайоахаш я, йоал дӀа ца тела гӀишлош
Шолжа кхален администраце экономикан, ахчан отдела болхлоша, прокуратураца, йоал яккхара болча викалашца, тароний къахьегама моттигашца рейд йир, йоал теларгйолаш дӀаоттаянза йола шоай доалахьара хӀама хьаду гӀишлош гучайоахаш. Укх наькъа уж хилар «Мереджи», «Адамо» яхача мах беча цӀеношка.
«Тхо хьежар 20 тика чу, мах бе бокъо луш дола каьхаташ дий. Цхьайолча моттигашка къахьегама бартчӀоагӀам толхабаь хилар гучадаьлар. Законах доаггӀача тайпара доалахье лелаю юридически саг дӀаязваь хила веза, е ший доалахьара хӀама леладеш хилар чӀоагӀдаь хила деза», - аьлар «Сердало» газетага шахьара администраце.
ДӀаязъянза йола моттигаш гучаяхар йоал теларца дувзаденна закон лорадара а эшаш да. Цо таро лу йоал ца луш йолча моттигера болх меттабоалабе, йоал ялара бокъо чӀоагӀъе.
