Шолжа-Шахьарерча ЦРБ дукха човнаш хинначарца болх бе ӏомалуш хилар
21.11.2025 10:24
Геттара дукха унахой хьачубоалабича, де дезар гойташ болх дӏабахьа айттар Шолжа-Шахьарерча дарбанче. Дарбанчен зарбан болх лелабераша белгалдаьчох, доккха хатар хинна наькъ тӏа, лозаваь хьачувоалаваьраш 35 саг ва.
Кхо саг царех хала волаш вар. Укхаза лорий, иштта кхыболча цигарча болхлой геттара кадай хьовза безаш хилар. Из тайпара хӏама бокъонца хилча, шоаш дергдар хьахьокха дезаш бар уж.
«Геттара хала вола кхо саг реанимаце ӏочувигар, хӏаьта вокхарна унахой тӏаийбеча моттиге эшаш дола гӏо дир. Дарбанче къахьегача лораша, лорашта уллув латтараша хьагойтар, моллагӏа тайпара хатар этта болх хуле, боаггӏача боараме болх чакхбаккха шоай говзал йолга, кийча болга», - дийцар тха газетага Шолжа-Шахьарерча дарбанче.
