48 эзар совгӀа га дӀаегӀар Шолжа кхалерча хьун боахаме
20.05.2025 11:57
Республикера хьун боахамаш меттадоаладеш болх ба дӀахьош. МагӀалбика кхале чакхбаьккхар из болх, хӀаьта Наьсарен кхален 10 га йолча хьунашка 30 эзар совгӀа къахььэсте, кӀарцхала гаьнаш дӀаегӀар.
Из болх йистебаьккхаб карарча хана, Шолжа кхален хьун моттигашка а. «Сердалога» из хоам бир Ӏалама гӀулакхех йолча министерстве. Шолжа кхален 20 га йолча хьунашка дӀаегӀараш 48 600 га я.
«Хьун доазув шердара тӀехьа дика дӀалаташ йола кӀарцхала, къахььэсте гаьнаш я хержараш. Лаьтта тӀаьдо долча хана дӀайогӀа езаш хиларах, хьем боацаш чакхбаьккхар из болх.
Цу оагӀонцарча болхлоша пхе шера тӀахьожам лоаттабергба гаьнаш дӀалатара, царна дезаш дола доал деш», - дийцар тхога министерстве.
