Шолжа кхале тайп-тайпара ха яьннараша дика дӀахьош бар кхадж тассара болх
10.09.2023 14:41
Ӏуйрийна денз № 818 йолча хоржамий Шолжа-Шахьара даькъ тӀарча культуран цӀагӀа, дукха нах бар кхадж тасса баьхка. Шоай декхар кхоачашде венавар воккхавар а зӀамгавар а. Тайп-тайпара ха яьнна нах вӀашагӀтохаш дар цаӀ дар: хьамсарча мехка кхоане дикагӀа хилийтар. Мехка муниципальни даькъ тӀара викалаш хоржаш дӀахьош дола хоржамаш геттара лакхача боараме дӀадолхаш да, аьлар ГӀалгӀайчен культуран цӀихезача болхлочо Матенаькъан Ӏайшета.
«Эггара зӀамагӀа вола кхадж тасса венар ва тха ГӀажарий-Юртара вахархо Боканаькъан Руслан. Из зӀамсаг укх политически хьала юстара ца вусаш, Ӏуррехь а ший декхар кхоачашде венав. Цунна таханарча денца дувзаденна дагалоаттама лаьрхӀа совгӀат делар. Иштта совгӀат доацаш йисанзар кхадж тасса ена ЗизаевгӀар ПаьтӀамат, из я 1938 шера яь.
Хоза хет вай бахархой, воккхавар е зӀамгавар аьнна доацаш, таханарча хоржамашка иштта хьинаре, барт болаш хилар», — аьлар «Сердало» газетага Матенаькъан Ӏайшета.
