Шолжа кхалерча дешара моттигий хьал тохкаш хилар комисси
13.08.2025 15:28
ХьатӀакхаьчача дешара шера кийчо яр малагӀча боараме латт тохкаш болх дӀабихьар Шолжа кхале лаьрхӀа оттаяьча комиссе. Из хоам «Сердалога» бир шахьара администраце.
«ХӀара дешара моттиго терроризм яхача зулама, цӀерца нийслуча хатарашта духьалара кийчо малагӀча боараме яьй хьожаш болх дӀабихьар цига. Массайолча дешара моттига хьал тохкаш чакхбаьлар уж», - йоах тхогарча хоамо.
Тохкама болх дӀабахьа араяьннача комиссена юкъе бар ФСБ, МВД, Росгварди, МЧС болхлой, иштта царна уллув хилар кхален администраце кулгалхочун гӀонча вола Новразанаькъан Т.М.
Тохкам бе арабаьннараша терко еча шинна оагӀонца дувзаденна кхоачамбоацараш гучадаьхар. Цу гӀулакха бехктокхаме барашта тӀадиллад, нийсденна гӀалаташ Ӏалаьмате чехка юстардаха, аьнна.
