Шолжа кхале дийцар, наха низ барца къовсам лоаттабе безарах
Шолжа кхален администраце дӀайихьар терроризма духьала къовсам лоаттабеча комиссе кхетаче, из хетаяь яр наьха кхерамзлен Ӏалашо яра, цхьоагӀо хилийтара наха юкъе, яхаш, дийцар «Сердало» газетага цигарча болхлоша.
«Из дувзаденна дар, Шолжерча доал деча даькъ тӀа 2024 шера маьтсела бетта 1-ча денгара 12 денга кхаччалца, нах вӀашагӀбетталуш йола моттигаш хургхиларца. Доакъашхоша дийцар цига кхерамзлен Ӏалашо хилийтара, хьем боаццаш-лахара балхага кийчлуш къахьега а цу г1улакха эша хьалаш вӀашагӀдохка а дезаш хиларах. Къаьстта теркам тӀабахийтар 2004 шергара 2028 шерга кхаччалца, Шолжа кхале терроризмаца дувзаденна зуламаш а наькъаш а лорадара», - йоах хоамо. Цига дийцар дукха ха йоацаш Къарший-Черсий Республикерча кхаь полице болхлочунна нийсденнача хатарах.
Шолжа кхален терроризмаца къовсам лоаттабара йолча комиссе секретара язъяь доклад йийшар администраце кулгалхочун гӀончас Новразанаькъан Темарлана.
Кхетаче дӀахьош белгалдир, хоадам болаш дола декхараш, кхален даькъ тӀа сатем хилийтара, машар хилийтара бе беза болх белгалбир, цу гӀулакха бехктокхаме йолча балха моттигаша шоайла бувзам лелабе безаш хилар чӀоагӀдир.
