Из хоам «Сердалога» бир цигарча хьакимаша. «Кхетаче къамаьл даьча республикерча Росриестра кулгал деча Борисов Андрейс белгалдир, цу оагӀонцара болх хоалуш меттабоагӀаш латтилга. Иштта цхьаццадараш хьалхадаьхар цо гулбеннарашта.

Хьакима белгалдечох, цу балха тӀехьа бахархошца къамаьл дӀакхахьа деза, мехкара гӀишлош боаггӀача боараме каьхаташца болх дӀабихьа хила езилга хьалхадаккха деза», - йоах хоамо.

Шоай доалахьарча хӀаман тӀехьара наьха бокъонаш лораярах дийцар кхетаче дӀахо.