Бийна нал ийца йода машин соцайир Шолжа кхале
16.08.2024 11:01
КЗП «Ангара 122» яхача посте Ӏаьдала болхлоша соцаяьча «Ford Focus» яхача машина чура гучабаьлар бийна нал.
Из хоам «Сердалога» бир Ӏаьдала болхлоша.
«Ӏалама гӀулакхех йолча Министерствон хьун тӀахьожам лоаттабеча болхлоша хьалххе хоам баьбар, дукха тешаме ца хетача машинах. Нал бе бокъо луш дола каьхаташ дацар соцаваьчунга, из бийна герз кораданзар цун машина чура», - йоах хоамо.
Бокъо йоацаш аькха дийнар Ӏаьдала болхлоша Ӏочувигар, из гӀулакх дӀахо тохкаш да МВД.
