Шолжа кхале дийцар эскаре тӀахьехарах лаьца
Кхетаче дӀахьош, Шолжа кхале тӏема гӀулакха кагирхой дӀаязбеча болхлоша уж амал де тӀахьехара хаттараш дийцар, къамаьл дувзаденна дар гурахьарча кампанеца, из дӀайолалургья бекарга бетта 1-ча дийнахьа денз,яхаш, хоам бир «Сердало» газетага кхален зарбан болх лелабераша.
«Кхетаче дӀайихьар Россе чурча гӀулакхий Министерстваон «Сунженский» МО кулгалхочун декхараш кхоачашдеш волча Келаматанаькъан Илеза, иштта цун гӀончас Чемарзанаькъан Ӏийсас, Шолжа кхален тӀема коммиссариата амал де тӀахьехара даькъа кулгалхочо Мержой Ӏийсас дакъа лоацаш», - кхалерча зарбан болх лелабераша.
Кхален администраце кулгалхочо Татенаькъан Ӏийсас тӀахьожам чӀоагӀбе аьлар тӀахьехара йолча кампанена.
Келаматанаькъан Илеза къамаьл дир, даькъ тӀарча полице болх чӀоагӀбара хьакъехьа. Цо яхачох, цар массане а цхьана дӀабахьа безаш болх ба из, эскаре ца ваха лечкъаш вар гучавоаккхаш, цхьана рейдаш еш.
Цул совгӀа, цига хьежар контрактах тӀема гӀулакх де бахара долча хаттарга а.
