Россех ГӀалгӀайче дӀакхийтта 255 шу дизар дездир Шолжа кхале
19.03.2025 09:33
Россех вай къам дӀакхетара ди дездеш хилар укх тӀехьарча деношка Шолжа кхале. Культуран цӀеношка тайп-тайпара кхетаченаш дӀакхухьаш хилар цига. Из хоам «Сердалога» бир кхален администраце.
«Цу ханарча суртех, лоархӀамеча каьхатех латта гойтам кийчбир библиотекаша. Из деррига довза, моллагӀа хаттар дашха аьттув бар гулбеннарий.
Эбарга-Юртарча культуран цӀагӀарча бераша «Даьхе» яха илли дӀааьлар цига, иштта «Са Даьхе-Росси» яхар даьккхар Хьаьшанаькъан Далиса, Иманас.
Галашкарча, Мужечарча культуран цӀеноша кийчъяьча программага хьежар гулбеннараш.
«Массахана цхьана» яха тематически сахьат дӀадихьар Алхастерча культуран цӀено.
