Шолжа кхалерча депутатий Кхеле керттерча гӏулакхех дийцар
25.09.2025 09:53
Бахархой вахаре нийслуча цхьацца гӏулакхех дувцаш, уж доашхаш, кхетаче дӏайихьар Шолжа кхален депутатий Кхеле. Из хоам «Сердалога» бир кхален зарбан болх лелабераша.
«Кхетаче дийцар политикаца, культураца, бахархошца бувзам лоаттабарца дувзаденнараш. Нахаца культуран оагӏонца дӏабихьача балхах дийцар цига Гӏажарий-Юртарча культуран Цӏенна кулгал деча Йовлой Ювсапа.
Бахархой хаттараш тохкаш, доашхаш мел ха йоаккх техкар депутаташа», - йоах тхогарча хоамо. Администраце балха хьаэцарашта юкъе яхь дӏаяхьарах дийцар кхетаче, цу оагӏонцара болх дикка тоабара тӏехьа юкъедаьха хувцамаш да уж.
