Шолжерча РДК кхетаче дӀайихьар, халкъа цхьоагӀон Денна хетаяь
Шолжа кхалерча культуран ЦӏагӀа, халкъа цхьоагӀон Ди долаш, цӀайна хетаяь кхетаче дӀайихьар «Росси дӀайолаеннай шалтагара…» яха корта болаш. Из хоам «Сердало» газетага бир СалоӀама центра зарбан болх лелабераша.
Из лоархӀаме ди долаш «Наьна мотт» яхача литературно-поэтически кружока кулгалхочо Яражанаькъан Маринас хьалхадаьккхар дешархошта, цу цӏайца дувзаденна истори, из хьадоагӀа 17-ча бӏаьшеренгара денз. НачӀал долча бераша цу цӀайна лаьрхӀа кийчйир театра гойтама оагӀонаш, цунца цхьана Даьхенцара цун бахархой безам гойташ», - аьлар хоамо.
Тхога хоам баьчо яхачох, цар декхар дар шоаш дахача боккхача мехкарча дукхача къамий культура, цар Ӏадаташ лархӀа дезилга, Даьхенцара безам хила безилга, къамий цхьоагӀон мах лакха оттабеш, деррига къамаш барт болаш даха дезилга берашта хьалхадаккхар.
