Туристашта керда моттигаш хьайийллай республикерча Тамаре-Юрта
30.05.2024 09:52
Тамариани яхача юрта туристашта лаьрхӀа, керда моттигаш хьайийллай. «Туризми хьаьший тӀаэцара оагӀуви» яхача къаман проектага гӀолла дӀахьош болх ба из. «Сердалога» из хоам бир мехка кабмино.
«Туризма гӀулакх тоадара тӀехьа, карарча хана республике дӀахьош латтар боккха болх ба. Федеральни оагӀоно цу гӀулакха хьахьожадаьр 30 млн совгӀа рузкъа да.
Белгалде деза, мехка тӀалатташ бола туристаш хӀара шера дукхагӀа хулаш латтилга» - йоах тхогарча хоамо. Лоамех, гӀалай моттигех бӀаргтоха ловраш ух вайцига Россера, иштта кхыйолча моттигий тайп-тайпарча миӀингашкара.
