Ткъаь дийнахьа Эбарга-Юрта герз кхосса ӏомалуш хургба
12.12.2025 11:09
Ткъаь дийнахьа Шолжа кхален Эбарга-Юртарча даькъ тӏа герз кхосса ӏомалуш бола болх дӏахьоргба, яхаш, дийцар «Сердало» газетага Шолжа кхален администраце зарбан болх лелабераша.
Кхетаче вӏашагӏъеллай Эбарга-Юртарча гарнизона чубоагӏача бӏун кийчо яра планаца йоагӏаш ма хиллара. Из моттиг я Эбарга-Юрта 4 км къилбаседа оагӏорахьа. Из болх дӏахьоргба оагӏой бетта 28-ча денга кхаччалца, 9.00 сахьат даьлча дӏаболабенна 14.00 сахьат даллалца, иштта 16.00 сахьат даьлча денз 03.00 сахьат даллалца шоллагӏча дийнахьа.
Мехка, юртий бахархой, техника, иштта хьайбаш цу даькъ тӏа а е цун юхе а хила йиш йолаш дац, дагадоаца зе даргдоацаш.
