Технопарке йолаю «Дуне довзарал а дукхагӀа» яха керда проект
«Кванториум» яхача берий технопарке йоаржайир, «Дуне довзарал а дукхагӀа» яха, къамашта юкъерча олимпиадашка дакъа лоацаш бола къона Ӏилманхой, дешархой хьаллоацаш йола проект. Из хоам «Сердалога» бир цу моттигера.
«Технопарка хьехархой биззача бетта «Кванториумера» вахар, дешарца дувзаденнараш мишта дӀадолх гойташ экскурси дӀахьош хилар. Федеральни оагӀонца толамаш даьха берий проекташ йовзийтар цар», - йоах тхога бенача хоамо. Кхетачен керттера декхар - къахьегаш хиларо саг мел гаьнавоаккх дӀагойтар. Технопарка хьехархоша кагирхой тӀахьийхар даиман къахьегаш, цхьацца хӀама лохаш, тохкаш хилара; тӀаккха кхоачаргба толамга.
Дукха ха йоацаш тха газето яздаьдар, вай республика «Росси - аьттон мохк» яхача проекта юкъеяхарах. Олимпиадашка котбаьннарий аьттув ба мехкарча тайп-тайпарча моттигашка баха.
