МагӀалбика кхален кхаь ишколе хьадийллар, Хьалхарчар юххьанцара цхьанкхетараш
16.10.2025 09:29
МагӀалбика кхален кхаь ишколе хьадийллар «Хьалхарчар болама» юххьанцара цхьанкхетараш, яхаш, хоам бу «Сердало» газетага моттигерча РДДМ зарбан болх лелабераша.
Юкъарча дешара моттигашка хӀанз юкъедаьккха ма хиллара, дешархоша гойтар шоай Даьхенцара безам, «Хьалхарчар болама» дикагӀбараша дув биар, иштта байташ а йийшар, ашарий номераш а гойтар.
Ловца боаккхача дешашца, берашца къамаьл хилар «Хьалхарчар болама» гӀалгӀай цхьанкхетара кулгалхочун Албохчанаькъан Маринай, цу даькъа говзанча Мазенаькъан Апте, моттигерча даькъа викалий Барханой Фатимай, Гӏулой Мухьмада.
Керда тоабаш хӀанз денз болх беш хургья №6, №11, №9 йолча Йоккхача Ачалкхен юкъерча ишколашка.
