СВО доакъашхочун Хамхой Хьасана тӀема никъ бовзийташ, баннер оттайир Эбарга-Юрта
23.06.2025 10:24
ТӀема операце юкъе вахара никъ хаьдача Хамхой Хьасана хетаяь баннер оттайир Эбарга-Юрта. Из хоам «Сердалога» бир «Даьхен лорбой» яхача ганза болхлоша.
«Ганза моттигерча филиала болхло йолча Тиймарзанаькъан Луизас хьалхале лелаеш, чакхбаьккхар из болх. Эшаш дола хӀама гулдаь, баннер оттаялехь юртарча администрацеца къамаьл дир цо. Эбарга-Юртарча ураме гуш хилар, массехк ди далалехь, бӀухочун тӀема никъ бовзийташ йола баннер, - йоах тхогарча хоамо. 2023-ча шера Къаман гварде эскара юкъе дӀачувахар Хамхой Хьасан. Даьхен моттиг лораеш латташ, дӀадахача шера саькура бетта вахар хаьдар цун. БӀухочун дисад пхи бер, цӀен-нана.
