ТЮЗе белгалдир Халкъашта юкъера теникий театра ди
2003 шера тушола бетта 21-ча дийнахьа денз, белгалдеш да теникаш лелаечун ди е хӀанз оалача беса Халкъашта юкъера теникий театра ди. Ший балха цӀай дездир ГӏалгӀайчен берий театра тоабо. Цар шоаш болча «Даьхен лорбой» ганза доал лоаттадераш а, иштта «Дикача гӀулакхий Клуб» а, СВО доакъашхой дезал а, республикан дӀа-юха гуча кепара дӀахьош долча дешара центра могашал яйна бераш а дийхадар.
Кхетаче хьайийллар «Чуче» яхача, режиссёра В. Домбровске оттаяьча спектакль гойтарца.
Цул тӀехьагӀа яхь хилар берашка цхьадола хаттараш луш, цига уж дашха хайнарашта совгӀаташ делар.
«Мархий беттаца дувзаденна, театро массадолча берашта мерзача даарий совгӀаташ дир. Дукха сурташ даьхар дагалоаттама. Берашта дагадоха хӀама хургда», - аьлар «Сердало» газетага театре.
