ГIалгIайчен УПЧ новкъостал дир боккха дезал болча нанна
24.06.2025 14:45
ГIалгIайчен сага бокъонаш лораяра викал волча ена хилар, новкъостал дехаш, Наьсарен кхален Iаьлий-Юрта яхаш йола бокхача дезала нана.
Ший каьхата тIа цо белгалдир диъ бера доагIаш дола пособи хьалуш цахилара, цо дехар дора из хIанад тахкар.
«ГIалгIайчен сага бокъонаш лораяра волча викала боккхача дезала наьна хаттар дIадахьийтар Россе Вахара ганзе. Цу хаттара духьала жоп луш, ганзо хIара бера доагIаш дола 16 эзар 169 сом хьахьожадир», - аьлар ГIалгIай Республике гIолла йолча УПЧ фусаме.
