ГӏалгӀайчен УПЧ новкъостал дир, боккхача дезала нанна
16.09.2025 16:10
Сага бокъонех волча викала фусаме новкъостал дир Наьсарен кхален Эккажкъонгий-Юрта яхаш йолча ворхӀ бера нанна, хӀара бетта хьадоагӀаш дола ахча хьаэца.
Хоам бу, аьтинга бетта денз, цун ахча соцадаьд каьхаташ лертӏа дац, аьнна.
Кхалсаг СФРага гӏолла хьежар цкъарчоа нийсхо яккха, бакъда кхетадир, шийна хетар гаьна долга, цудухьа новкъостал дехаш ера из сага бокъонех вола викал волча.
«Россе Социальни ганза тӀехьара тӀа болх баьчул тӀехьагӀа, цун соцадаь лаьтта ахча ворхӀ бера хӀаранена хьадала лаьрхӀар 100%, республике латташ болча ВПМ боарамах-16 эзар 169 сом.
Цу кхалсага аьтинга беттагара маьцхали беттага кхаччалца дола соцадаь хиннна ахча а тӀехьара тӀа хьаделар», - аьлар «Сердало» газетага ГӏалгӀайчен УПЧ хӏама тохкача даькъо.
