УПЧ новкъостал дир заӀапхочун пенси доаккхаш
Наьсарен кхален Эккажкъонгий-Юрта яхархо ера, сага бокъонех викал волча, шийна новкъостал дехаш. Из ӀӀ-ча тоабан заӀапхо хиларах доагӀаш дола пенси хьа ца луш лоаттадаь хиннад укх шерарча наджгоанцхой бетта денз.
Дӏахо из хьал мишта техкар дийцар «Сердало» газетага УПЧ даькъ тӀа:
«Викала Россе Вахара ганзе каьхат дӀадахьийтар. Дӏахо дӀахьош хиннача тохкама балха даькъ тӀа къоастадир, цу кхалсага каьхаташ кхоачам болаш ца хилар. ШозлагӀа из хьал тохкаш дӀабихьача балха каьхатацара хьал къоастадаьчул тӀехьагӀа, даькъ тӀарча СФР-а республикан яхархочун страховой пенси хьожадир ӀӀ-ча тоабан заӀапхо хиларах тарра, 2025 шера наджгоанцхой бетта 30-ча дийнахьа денз дола 28 003,64 ахча, цу юкъе дӀа а лоархӀаш болх бе йиш йоацаш ши саг хилар, иштта хӀара бетта хьатӏадала оттадир, ӀӀ-ча тоабан заӀапхо хиларах тарра, 2 435,58 ахча.
Наджгоанцхой бетта, 30-ча дийнахьа денз соцадаь лаьтта ахча а, цунна хьатӏадала оттадаьр а, ЕДВ а - деррига хьаделар», - аьлар ГӏалгӀайчен УПЧ.
