Гӏалгӏайчен УПЧ нах тӏаэцаш хилар вахара хаттарех
13.10.2025 16:10
Гӏалгӏай Республикан сага бокъонех волча викала даькъ тӏа нах тӏаэцаш хилар вахарца дувзаденнача хаттарех. Бахархой хаттарашта жоп луш вар, сага бокъонех вола Викал Цӏечой Ибрахӏим; РФ пенсионни, вахара страховане Гӏалгӏай ганза даькъа урхаллен кулгалхо Дахкилганаькъан Руслан, иштта Жӏайрахьа кхале, Наьсаре наьха хьашташка хожача даькъа кулгалхо Мартазанаькъан Адам.
«Сердало» газетага УПЧ балха новкъосташа баьча хоамах, шоай хаттараш дахьаш вера ийс саг. Деррига хаттараш дувзаденна дар пенсеца ӏалашо ярца, иштта берий пособеш хьадаларца.
«Цхьадола хаттараш теркама юкъеийцар, дӏахо тохкаргдолаш», - аьлар Гӏалгӏайчен УПЧ.
