ГӏалгӀайчен УПЧ дезала новкъостал дир газ меттаоттае
10.10.2025 15:27
ГӏалгӀай Республикан сага бокъонех волча викалга телефонаца хоам бир Наьсарен кхален Долакха-Юртарча яхархочо, укх кхаь кӀира шоай цӀагӀа газ цахиларах. Из нийсделар, хий чудуллача хана, газ хьачуйоагӏаш йола турба йохаярах.
Кхалсага хоам бир; ӏаьдала моттигашка цу хатарах жоп луш саг цахиларах; хӀаьта ший фусаме заӀапхо а кагий бераш а да, аьнна.
Бокъонаш лораерр сиха бувзаме ваьлар «Газ дӏа-юха хьежаеча Назрань» АОца, из болх вӀашагӀболлара. Цигарча керттерча инженераца ГӀайтакханаькъан Мухьмад-Башираца, керттерча директорца Лаьнанаькъан Элбердаца дагаваьлча, цу фусамера газаца дувзаденна чоалхане хьал дӏадаьккхар», - аьлар «Сердало» газетага ГӏалгӀайчен УПЧ.
