Мах боацаш дарба де ваха аьттув баьлар заӀапхочун, сага бокъонаш лораечун гӀонца
ДегӀа могашал эшаенна волча вай мехкарча вахархочунна, мах боацаш дарба де ваха бокъо яланзар республике. Цун гӀулакха оарцагӀваьлар сага бокъонех вола викал.
«2019-ча шера лораша эттӀаваь, чӀоагӀа хала лазар текха ва со. Из бахьан долаш, дегӀа хьал кӀалдусаргдоацаш, массахана дарба эшаш ва. ДӀадахача шера бӀаьсти, унахцӀенон гӀулакхех йолча вай министерствос дӀахьожаваь, селий мехкарча санаторе ха яьккхаяр аз, бакъда укх шера цига ваха бокъо луц сона. Са бокъонаш меттаоттайийя, мах бала ца безаш, се дарба де вахийтар дех аз», - язду дог дехача Ӏаьлий-Юртарча вахархочо.
Цун гӀулакха оарцагӀваьннача сага бокъонех волча викала унахцӀенон министерствон болхлошца, иштта цу гӀулакхаца ювзаеннача моттигашца бувзаме ваьнна, деррига техка, дарба эшача вахархочун бокъонаш меттаоттайир. Ше хьалха хиннача санаторе, дегӀа могашал тоаеш хургва из.
