Берашта доагӀа ахча хьа ца хьожадеш йитача кхалсага гӀо дир УПЧ
20.09.2024 13:33
18 шерга кхачанза диъ бер долча кхалсага берашта хӀара бетта доагӀаш дола ахча хьа ца хьожадарах, дукха бераш дола нана латкъа яха езаш хилар УПЧ.
«СФР сога хьаяхар нийса дац, са берашта доагӀаш да из ахча. Тхона хьатӀадоагӀаш доккха хӀама дац, деррига каьхаташ аз дӀачуденнад царга», - язду йиш ехача диъ бера нанас. Россе вахара ганзага гӀолла из гӀулакх тахка эттар сага бокъонех вола викал. Болх дӀабихьачул тӀехьагӀа, соцам бир, диъе бера хӀара бетта 14 390 сом ахча тергдолаш. Деррига техкача, Россе вахара ганзерча болхлоша чӀоагӀдир, из ахча цун берашта доагӀилга.
