Берах хиларах доагIаш дола кхалсага ахча, хьадалийтар вай мехкарча УПЧ
УПЧ латкъа енача Долакха-Юртарча кхалсага дийцачох, берах хиларах хьадоагIаш хинна ахча цIаьхха соцадаьд цун, хьаоалаш цхьаккха бахьан доацаш. 2025-ча шера кIимарса бетта денз, ахча хьа ца доагIаш латт. Эггара эшача хана, ахча соцадаро сатем боабаь кхалсаг сага бокъонех вола викал волча латкъа яхар.
«Сердалога» цу моттигера дийцачох, цо Россе Вахара ганзага гIолла сиха хьатехкар из гIулакх. Ганзо белгалдечох, берах йола кхалсаг ший хан-ханнахьа дарбанче чакхъяла дIатIаахар белгалдеш дола каьхат цахиларах, соцадаь хиннад ахча. Сага бокъонех вола викал юкъевена, из гIулакх меттадоаладир.
КIимарса бетта юха хьадоладалийтар цун ахча, цул совгIа: саькура бетта 1-ча денгара тов бетта 30-ча денга кхаччалца сеца мел лаьттар а хьаделар. 145 352 сом ахча да деррига цунна хьаденнар.
