Сага бокъонех волча викала бахархой тӀаийбу ди дӀахьоргда
26.08.2024 10:24
ХьатӀадоагӀача кхаьрача дийнахьа, бахархой тӀаийбу ди хургда сага бокъонех волча викала. Цига дакъа лоацаш хургва, къахьегама гӀулакхех йолча мехкарча инспекцена хьалха латта Бештой Руслан. Из хоам «Сердалога» бир республикерча УПЧ
«Сага бокъонаш лораяра болх дикка тоабара тӀехьа дӀахьош я из кхетаче. Шоай бокъонаш мишта меттаоттае еза ховргда хьатӀабаьхкача бахархошта. ХӀара сага гӀулакх тохкаш болх дӀахьоргба хьакимаша», - дийцар тха газетага.
Ӏуйран 10 сахьат даьлча дӀаболабаь, нийса сахьат даллалца дӀахьоргба из болх. ХьатӀавоагӀача сагага паспорт хила деза, цул совгӀа, шийна дагадоаллар каьхата тӀа яздаь дӀачуделча дикагӀа да.
