Моттигерча УПЧ пособи харцахьа хьожадара дош къоастадир
Гӏалгӏайчен сага бокъонех викал волча ера Шолжа кхален яхархо, берашта цкъара дола пособи шийна харцахьа хьожадара латкъа. Цо аьлар, вай мехка латтача берашта луш долча пособе боарамга диллача, 50% мара шийна хьожадаьдац. Республике гӏолла йолча СФР отделене цунга хоам бир, дезала да алименташ телаш хиларах; из ахча кхы дукхагӏа хьожаде бокъо яц, аьнна. Иштта дале а, цу кхалсага яхачох, из марацара къаьстай 2007 шера, хӏаьта из дезалхо цунна ваь а вац.
«Сага бокъонех волча викала лаьрххӏа дола каьхат дӏадахьийтар Россе вахара ганзе, дӏахо из хьал техкар. Цига ховш хилар, цу бера, нана мара да цахилар, цудухьа цунна доагӏаш дола пособи нийса дӏалаьрхӏадац.
Цул тӏехьагӏа СФР отделене 75% хьожадир цу бера доагӏаш дола пособи, иштта 2024 шера оагӏой бетта 1-ча дийнахьа денз, 2025 шера лайчилла бетта 30-ча денга кхаччалца соцадаь лаьттар а хьаделар», - аьлар «Сердало» газетага Гӏалгӏай Республикан УПЧ хоамий-аналитически даькъ тӏа.
