Бахархой тӏаийбеш ди дӏахьоргда мехкарча УПЧ
23.01.2026 11:04
Укх бетта 28-ча дийнахьа бахархой тӏаийбу ди дӏахьош хургба УПЧ, Россе Вахара оагӏонцарча ганза республикерча моттига болхлой юкъе болаш. Бахархой вахара оагӏонцара бокъонаш лораяра тӏехьа дӏахьош болх ба из. Моллагӏа хаттар дашха, шоашта къувлараш царга гӏолла тахка аьттув хургба наьха.
«Бахархой тӏаийбеш хургба сага бокъонех вола викал Цӏечой Ибрахӏим, республикерча Россе Вахара ганза оагӏон кулгалхочун гӏонча Дахкилганаькъан Руслан.
Хьатӏавоагӏача сагага ший паспорт хила деза,иштта ше тӏадахьача хаттарца дувзаденна дола каьхаташ а. Уж хилча, гӏулакх ма дарра довза аттагӏа хул», - дийцар «Сердалога» УПЧ. Мехкарча наха шоай вахаре нийсденна цхьаццадараш хьатахка дика аьттув ба из.
