Толашагӏа бола волейболисташ белгалбир Йоккхача Ачалкхе

«Ловзаш хиннараш Нохчий мехкара «Серноводск», «Шали»; Гӏалгӏай мехкара «Соагӏапче», «Магӏалбик», «Ачалкхе», «Эккажкъонгий-Юрт», «Магас», «МЧС» яха тоабаш яр. Олимпийски оагӏонца дӏайихьар яхь.

Котало кхаьчар Серноводскерча тоабанга, шоллагӏча моттиге Эккажкъонгий-Юрт эттар, кхоалагӏа моттиг Соагӏапченна кхаьчар», - дийцар тхога волейболах йолча федераце президент волча Джаненаькъан Адама. Грамоташ, майдилгаш, кубкаш енна белгалбир котбаьннараш. Из кхетаче дӏаяхьа гӏо даьр вай мехкахо Беканаькъан Ахьмад вар.