«Россе аьрзелгей» мугӀарашка дӀаийцар, Йоккхача Ачалкхерча ишкола дешархой
24.04.2024 14:51
«Россе аьрзелгаш» хилар, Йоккхача Ачалкхерча № 1 йолча ишколе 1-ча классе дагӀача берех. Из гӀулакх довзийташ йола кхетаче дӀайихьар берашца, уж дешаш болча ишколе.
«Сердало» газетага из хоам бир «Хьалхарчар болам» яхача моттигерча оагӀон болхло волча Налганаькъан Рамзана.
«БоккхагӀачар зӀамагӀа долча берашта дийцар, аьрзелгех дола истори. Бераша чӀоагӀо йир, гӀо эшарашта новкъостал деш, Даьхен сий деш, из езаш, Ӏалам лорадеш, боккхийчарца лерхӀам лелабеш баха.
Аьрзелгий галстукаш дӀаэхка, бӀаьхача, дуккхача хӀамаех бизза болча наькъ тӀа бовла кийчделар бераш.
