420 бера лаьрхӀа ишкол тоаеш латт Йоккхача Ачалкхе
06.06.2024 09:51
Йоккхача Ачалкхерча 420 бера йолча ишколо кастта ший наӀараш хьаелларгья, хьаьший тӀаэцаш. Из хоам «Сердалога» бир региона кабминера.
«Из беркате болх «Дешар» яхача къаман проектага гӀолла дӀахьош ба. Кердача ишколо паргӀатйоахаргья юртара кхыйола ишколаш», - йоах хоамо. Карарча хана уйнаш тоадеш, наӀараш дӀаоттаеш, ток чуюллаш боахк болхлой. Цу тӀеххьа дӀаболабергба коа гаьнаш, зизаш дӀадогӀаш, гӀандаш оттадеш, лампаш йохкаш бола болх.
«Домстрой» яха гӀишлош еш йола 000 я из болх дӀатӀаийцар, балха тӀахьожам бер - ООО «УКС РИ».
Белгалде деза, тӀехьарча шерашка вай мехка дукха керда ишколаш хьаяьлга, тишъеннараш тоаеш боккха болх дӀахьош латтилга.
