Йоккхача Ачалкхе 740 метр бӏаьха гIашлой никъ биллар
29.12.2025 16:53
Магӏалбика кхален Йоккхача Ачалкхе чакхдаьлар, 740 метр никъ буллаш хинна балхаш. Из лоархӏаме дар юртахой вахаре, хIана аьлча цо буг уж №1 йолча юкъерча ишколе. Хӏанз дешархой таро я, кхера а ца безаш, паргӏатта цу наькъ тӏагӏолла деша аха.
«Уж балхаш даьд, юртара хьалаш тоадара йолча программа чудоагӏаш. ГIашлой керда никъ биллаб таханарча замо дӏадеххача тайпара таронаш юкъейоахаш, моллагӏа хаоттам хиларах, берий таро хургья дӏа-юха даха»,-аьлар «Сердало» газетага Магӏалбика кхален администраце.
Моттигерча бахархоша мах бир цу хьала, цар белгалдир, хьалха хинначоа юхе, хӏанзара таронаш геттара нах гӏадбугаш йолга. Моттигера ӏаьдал дӏахо а уж санна дола балхаш дӏадахьа лаьрхӏа да.
