«Сунт» яха ОПМ дӀахьош, 31 машина тӀара кораш баьддар дӀадаьккхар
27.05.2024 09:14
Республикерча чурча гӀулакхех йолча министерствон хьалхалаттача генерал-лейтенант волча Коробкин Михаила тӀадилла, «МагӀалбик» яхача МВД оагӀон болхлоша «Сунт» яха ОПМ дӀайихьар. Из хоам «Сердало» газетага бир наькъашкара хьал лорадеча болхлоша.
«Рейд дӀаяхьа арабаьннача полице болхлоша 47 кхоачамбоацар теркалдир, цул совгӀа, 31 машина кораш баьддар дӀадаьккхар. Ши машини, ши саги Ӏаьдала болхлоша Ӏочувигар», - йоах тхогарча хоамо.
Теха гӀод ханнахьа дӀа ца такхаро из гӀулакх чоалхане дерзаделгах хоам бир ГИБДД болхлоша машинашца леларашка. ГӀод ханнахьа дӀатекха, дӀахойодача хана цу хӀамах лоралуш хилар эггара дикагӀа да.
