Рейд дӀахьош, чарахьашка каьхаташ дий хьежар
Беррига Шолжера чарахьий даькъ тӀа къахьегаш мел бараш, кулгалхо Зангенаькъан Мухьмад кертте а волаш, республикан Шолжа кхален доазон тӀа чакхбаьлар, цигара хьал довза лаьрхӀа, яхаш, хоам бу «Сердало» газетага ГӏалгӀай Республикан Ӏалам лорадераша.
«Инспектораш хьежар чарахьашка каьхаташ дий. Бакъда деррига каьхаташ хила дезача беса дар. Царца хьехама болх дӀабихьар, иштта царна хьалхадаьккхар, чарахьал деча балха даькъ тӀа хила дезарех лаьца»,- аьлар хоамо.
ГӏалгӀай мехка даим болх дӀахьу, гонахьара Ӏалам лорадеш, фо а Ӏалама хозал а, мехкара Ӏаламца ювзаенна таронаш а дика хилийта гӀерташ.
Цу тайпара рейд дӀайихьаяр Ӏалама бокъонаш телхаеш моттиг йий, хьайбай даькъ тӀа бокъонах доацаш хӀама леладой ха дагахьа. Иштта йола чарахьал лорадара кхетаченаш дӀакхухьаргья дӀахо а.
Говзанчаша яхачох, из болх дӀахо а дика толамаш гойташ дӀабахьа безаш ба, цо ший аргӀагӀа республикан лоамашка дукхагӀа хулийтаргда тайп-тайпара хьайбаш, оалхазараш.
