«Тахан укхаза 12 эзар саг вах, 10 вахаре лоархӀаме моттиг я. Из чӀоагӀа лоархӀаме хьал да юртахошта, къаьнардараш дӀа а даьха керда гӀирсаш оттадар, цул совгӀа, къаьнарчар болх лерттӀа бацар», - аьлар мехка кулгалхочо Келаматанаькъан Махьмуд-Ӏаьлас, цу балха лоархӀам бувцаш.

Хозача моттиге уллача юрта, Ӏоахарганаькъан, Горни яхача урамаш тӀа 100 цӀа тешшаме токаца Ӏалашо йолаш да хӀанз. Из иштта хилара бахьан да, хьалха 100 кВА низ болаш хинна къаьнара подстанци 400 кВА низ болчунца хийца хилар, къаьнара подстанци болх беш йола 20 шу совгӀа ха яр. Доврбиканаькъан урам тӀа 130 цӀа чудоагӀаш латт керда подстанци, из а иштта 400 киловат-ампер низ болаш я.

Цул совгӀа, Орджоникидзе а цун юхерча а урамаш тӀа 150 дезал бахача иштта подстанци оттаяьй.

ХӀанзчул тӀехьагӀа, тешаме ток лоаттаяр массазара вахара хьал санна лархӀа дезаш да, цо наьха вахара дикал лакхъергья.